Búið er að boða til kosninga um verkfall innan Læknafélags Íslands. Oddur Steinarsson, varaformaður Læknafélags Íslands, staðfestir þetta í samtali við mbl.is. Hann segir um þriðjung meðlima þegar hafa greitt atkvæði í kosningunum sem standa fram til fimmtudags.

Spurður út í kröfur félagsmanna segir Oddur að félagið hafi tvær megináherslur, annars vegar vaktamál og hins vegar styttingu vinnuvikunnar. Þá segir hann kjör á bakvöktum sérstaklega til umræðu.

Verði af verkfallinu yrði fyrsta lota verkfallsins í nóvember.

„Þetta verða dagar og dagar á ákveðnum stofnunum og einingum. Þessu verður raðað niður og með svipuðu sniði og var 2014/15,“ segir Oddur og vísar þar í verkfallsaðgerðir lækna þann vetur.

Frétt af mbl.is

Verkfall lækna hafið

Tengdar fréttir

Kjaraviðræður

„Það er bara góð vinna í gangi“

• Á algjöru frumstigi eftir þrjár vikur af verkfalli
• Ekki sátt með tilkynningu á vef KÍ
• „Enginn farinn að öskra og arga“
• Gera ekki ráð fyrir að samhljómurinn verði rofinn

» Fleiri tengdar fréttir

• 1 blogg um fréttina

Bloggað um fréttina

• Guðmundur Örn Ragnarsson: Hver þessara lækna er Samverjinn miskunnsami?