Innlent | mbl | 28.10.2024 | 23:59 | Uppfært 29.10.2024 12:23

Verkfall kennara hafið

Kennarar í Áslandsskóla í Hafnarfirði eru nú farnir í verkfall. mbl.is/Sigurður Bogi Sævarsson

Verkföll boðuð í þrettán skólum

Leikskóli Seltjarnarness (29. okt - ótímabundið)
Leikskólinn Ársalir á Sauðárkróki (29. okt - ótímabundið)
Leikskólinn Drafnarsteinn í Reykjavík (29. okt - ótímabundið)
Leikskólinn Holt í Reykjanesbæ (29. okt - ótímabundið)
Áslandsskóli í Hafnarfirði (29. okt - 22. nóv)
Laugalækjarskóli í Reykjavík (29. okt - 22. nóv)
Lundarskóli á Akureyri (29. okt - 22. nóv)
Garðaskóli í Garðabæ (25. nóv - 20. des)
Árbæjarskóli í Reykjavík (25. nóv - 20. des)
Heiðarskóli í Reykjanesbæ (25. nóv - 20. des)
Fjölbrautaskóli Suðurlands (29. okt - 20. des)
Menntaskólinn í Reykjavík (11. nóv - 20. des)
Tónlistarskóli Ísafjarðar (29. okt - 20. des)

Verkfall kennara í níu skólum er hafið. Kennarar í fjórum skólum til viðbótar munu leggja niður störf í nóvember verði samningar ekki í höfn fyrir þann tíma.

Greint hefur verið frá því að fundi samningsnefndar Kennarasambands Íslands (KÍ), ríkisins og sveitarfélaga hafi lokið fyrr í kvöld án árangurs.

Frétt af mbl.is

Kennarar fara í verkfall á miðnætti

Þá sagði Magnús Þór Jónsson, formaður Kennarasambands Íslands, í samtali við mbl.is fyrr í kvöld að boðað hefði verið til vinnufunda á morgun og á miðvikudaginn en ekki sé búið að boða til næsta samningafundar.

Eru kröfur Kennarasambands Íslands að laun kennara verði sambærileg sérfræðingum á almennum vinnumarkaði eða um ein milljón króna.