Fjölmenn íslensk sendinefnd til Bakú
Setja bókamerki
Íslenska sendinefndin sem fer á aðildaríkjaþing loftslagssamnings Sameinuðu þjóðanna í Bakú í Aserbaísjan, COP29, verður skipuð 46 fulltrúum.
Í þeim hópi eru 10 manns úr opinberri sendinefnd auk fulltrúa félagasamtaka á borð við unga umhverfissinna og náttúruverndarsamtök. Vegna komandi alþingiskosninga verða hvorki ráðherrar né þingmenn meðal fulltrúa Íslands.
Af þessari 10 manna opinberu sendinefnd Íslands eru fimm fulltrúar umhverfis-, orku- og loftslagsráðuneytisins, þrír fulltrúar frá utanríkisráðuneytinu, einn frá Umhverfisstofnun og einn frá Ungmennaráði Íslands. Tveir fulltrúanna sækja fundinn alla dagana, en stærstur hluti sendinefndarinnar tekur aðeins þátt í hluta fundarins.
Þátttaka fulltrúanna krefst mislangrar veru á þinginu. Í svari umhverfis-, orku- og loftslagsráðuneytisins kemur fram að ráðuneytið hafi ekki upplýsingar um kostnað annarra sem þátt taka í þinginu. Áætlaður kostnaður hvers þátttakanda er því mismunandi, en er á bilinu 760.000 til 1,8 m.kr. Endanlegur kostnaður liggi ekki fyrir fyrr en eftir að þinginu lýkur.
Fjölmenni mætir frá Íslandi
Frá umhverfisráðuneytinu fara Helga Barðadóttir, Magnús Agnesar Sigurðsson, Stefán Guðmundsson, Steinunn Sigurðardóttir og Elín Björk Jónasdóttir. Frá utanríkisráðuneytinu fara Elín Rósa Sigurðardóttir, María Erla Marelsdóttir og Brynhildur Sörensen. Nicolle Keller verður fulltrúi Umhverfisstofnunar og Viktor Pétur Finnsson frá Ungmennaráði Íslands, en umhverfis-, orku- og loftslagsráðuneytið styrkir fulltrúa ungmenna til þátttöku á fundinum.
Tinna Hallgrímsdóttir fer fyrir hönd Seðlabankans, Hrefna Guðmundsdóttir og Laura Sólveig Lefort Scheefer eru fulltrúar ungra umhverfissinna. Þorgerður M. Þorbjarnardóttir fer fyrir Landvernd. Nótt Thorberg, Hans Orri Kristjánsson og Viktoría Alfreðsdóttir fara fyrir Green by Iceland, Ríkharður Ríkharðsson er fulltrúi Landsvirkjunar, Edda Sif Pind Aradóttir frá Carbfix, Helga Jóhanna Bjarnadóttir og Birta Kristín Helgadóttir fara fyrir Eflu, Carine Chateney og Egill Viðarsson fara fyrir Verkís, Árni Hrannar Haraldsson og Hjálmar Helgi Rögnvaldsson fara fyrir Orku náttúrunnar, Bjarni Herrera fer fyrir Accrona, Kristjana María Kristjánsdóttir og Caroline Ott fara fyrir CRI, Arna Pálsdóttir og Snorri Þorkelsson frá Orkuveitunni, Lotte Rosenberg frá Carbon Recycling International, Adrian Matthias Siegrist frá Climeworks og Sandra Ósk Snæbjörnsdóttir frá Carbfix.
Barn lést í árásinni
Samfylking og Viðreisn gáfu loforð
Fyrsti blaðamannafundurinn í heild sinni
Alvarleg netárás á Wise
„Börn heima sem maður myndi vilja hafa í skjóli“
Víkingar komnir yfir 800 milljónir í greiðslur
Stormur á Þorláksmessu en víðast hvar stefnir í hvít jól
Ný ríkisstjórn kynnt á morgun
