Kröfur kennara „mikil vonbrigði“
Setja bókamerki
Sigríður Margrét Oddsdóttir, framkvæmdastjóri Samtaka atvinnulífsins, segir þær kröfur sem hafa birst vegna kjaraviðræðna kennara við Samband íslenskra sveitarfélaga vera mikil vonbrigði.
Krafa Kennarasambands Íslands í viðræðunum er að kjör félagsmanna verði sambærileg við sérfræðinga á almennum markaði. Samband íslenskra sveitarfélaga áætlar að kennarar krefjist um 49% launahækkunar.
Kjarasátt raskist ekki
„Þessar kröfur sem hafa verið að birtast af hálfu forystu kennara undanfarið eru mikil vonbrigði,“ segir Sigríður Margrét, aðspurð.
„Við vitum það að undirstaða opinbers reksturs er verðmætasköpun í atvinnulífinu og það er þess vegna mjög mikilvægt að almenni markaðurinn leiði launaþróunina og kjarasamningar opinberra starfsmanna raski ekki þeirri kjarasátt sem náðist fyrr á árinu,“ greinir hún einnig frá.
Hún bætir við að tölurnar sem hafi verið nefndar varðandi launakröfur kennara séu í engu samhengi við það sem samið var um í almennu kjarasamningunum í byrjun ársins. Ekki sé í boði að víkja frá launastefnunni sem þar var samið um.
Þarf að kostnaðarmeta
Sigríður Margrét nefnir að almennur vinnumarkaður sé í mikilli samkeppni við hið opinbera um starfsfólk og að réttindi opinbers starfsfólks hafi sitt að segja í samanburðinum. Þar sé minni vinnuskylda og meira orlof, meiri veikindaréttur og aukið starfsöryggi, ásamt ríkari uppsagnavernd.
„Þegar við erum að bera saman launakjör á milli markaða þá verður að kostnaðarmeta þessa þætti,“ segir hún.
Borgin verður af milljörðum eftir dóm Hæstaréttar
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Spara stórfé með olíukaupum ytra
Þórarinn: Tafir á höfuðborgarsvæðinu ekki minni
Gosið gæti varað lengur: Meiri fyrirstaða í gosrásinni
Hraunið náð Njarðvíkuræð: Fylgjast með raflínu
Hvað gerðist eiginlega í VMA?