Innlent | mbl | 5.11.2024 | 10:03

27 fjölmiðlar fá samtals rúman hálfan milljarð

mbl.is/Eggert Jóhannesson

Úthlutunarnefnd um úthlutun rekstrarstuðnings til einkarekinna fjölmiðla hefur lokið störfum í ár. Samkvæmt ákvörðun nefndarinnar hljóta alls 27 fjölmiðlaveitur rekstrarstuðning árið 2024, en heildarupphæðin nemur um 550 milljónum kr.

Þetta kemur fram á vef Fjölmiðlanefndar.

Þremur umsóknum hafnað

Fram kemur, að alls hafi borist 30 umsóknir um rekstrarstuðning til einkarekinna fjölmiðla og samtals hafi verið sótt um rekstrarstuðning að fjárhæð 936,8 milljónir kr.

Þremur umsóknum var synjað þar sem þær uppfylltu ekki öll skilyrði fyrir rekstrarstuðningi.

Eftirfarandi 27 fjölmiðlaveitur hljóta rekstrarstuðning árið 2024:

Árvakur hf. - 123.898.018
Birtíngur útgáfufélag ehf. - 8.207.371
Bændasamtök Íslands - 22.238.582
Eigin herra ehf. -6.400.834
Elísa Guðrún ehf. - 6.127.106
Eyjasýn ehf. - 3.166.157
Fjölmiðlatorgið ehf. - 30.934.727
Fótbolti ehf. - 8.710.122
Fröken ehf. - 13.127.340
Hönnunarhúsið ehf. - 1.578.691
Iceland Review ehf. - 8.314.431
Leturstofan Vestmannaeyjum ehf. - 4.796.184
Mosfellingur ehf. - 2.237.401
Myllusetur ehf. - 40.511.539
Nýprent ehf. - 5.305.651
Prentmet Oddi ehf. - 5.439.839
Sameinaða útgáfufélagið ehf. - 66.979.195
Samstöðin ehf. - 6.371.510
Skessuhorn ehf. - 16.637.261
Skrautás ehf. - 1.924.722
Sólartún ehf. - 12.468.655
Steinprent ehf. - 4.176.504
Sýn hf. - 123.898.018
Tunnan prentþjónusta ehf. - 1.875.985
Útgáfufélag Austurlands ehf. - 6.005.702
Útgáfufélagið ehf. - 6.254.723
Víkurfréttir ehf. - 13.315.665

Úthlutunarnefnd skipa þau Anna Mjöll Karlsdóttir lögfræðingur, sem er einnig formaður nefndarinnar, samkvæmt tilnefningu Hæstaréttar Íslands, Anna Birgitta Geirfinnsdóttir löggiltur endurskoðandi, samkvæmt tilnefningu Ríkisendurskoðunar og Jón Gunnar Ólafsson, lektor við Háskóla Íslands, samkvæmt tilnefningu samstarfsnefndar háskólastigsins.

Fjölmiðlanefnd sá um umsýslu umsókna og veitti úthlutunarnefnd sérfræðiaðstoð vegna þeirra.

mbl.is er í eigu Árvakurs.