Beint: Heimsþing kvenna – seinni dagur

Heimsþing kvenleiðtoga verður haldið í Hörpu dagana 11.–12. nóvember. Áætlað er að rúmlega 400 alþjóðlegir kvenleiðtogar komi til Reykjavíkur til þátttöku.

Fram kemur í tilkykynningu, að þingið sé skipulagt í samstarfi við fjölmarga erlenda og innlenda aðila, og í ár sé sérstök áhersla lögð á að kvenleiðtogar taki höndum saman undir yfirskriftinni „Power Together for Action.”

Hægt er að fylgjast með streyminu í beinni útsendingu hér fyrir neðan:

Meðal þátttakenda í ár eru:

• Halla Tómasdóttir, forseti Íslands.
• Mary Robinson, fyrrverandi forseti Írlands og mannréttindalögfræðingur.
• Maria Ressa, friðarverðlaunahafi Nóbels og stofnandi Rappler.

Á þinginu verða kynntar niðurstöður Reykjavik Index for Leadership 2024 í samstarfi við rannsóknarfyrirtækið Verian. Mælingin metur afstöðu almennings í ólíkum löndum til kvenna og karla í leiðtogastöðum, og eru sérstakar niðurstöður fyrir Ísland hluti af rannsókninni, að því er segir í tilkynningu. 

Heimsþingið leggur áherslu á fjóra meginþætti, sem byggja á árangri Íslands í jafnréttismálum:

• Aðgerðir til aukins launajafnréttis.
• Fjölgun kvenna í forystu.
• Jafnan rétt kynjanna til töku fæðingarorlofs.
• Aðgerðir til að útrýma kynbundnu ofbeldi.

Tilgangur þingsins er að skapa vettvang fyrir opna umræðu og hvetja til raunhæfra aðgerða sem stuðla að jafnrétti kynjanna á heimsvísu. Með því að safna saman leiðtogum úr ólíkum geirum er markmiðið að deila bestu starfsvenjum og finna nýjar leiðir til að takast á við áskoranir.

Hanna Birna Kristjánsdóttir er stjórnarformaður og einn af stofnendum Heimsþings kvenleiðtoga. 

• 1 blogg um fréttina

Bloggað um fréttina

• Jónatan Karlsson: Vonandi einungis ómerkileg kjaftasaga.