Kolbrún Stefánsdóttir kjörin ritari Frjálslynda flokksins
Setja bókamerki
Kolbrún Stefánsdóttir var kjörin ritari Frjálslynda flokksins á landsfundi flokksins í gær. Tvær aðrar konur voru í kjöri.
Í ljós kom, eftir að tölur höfðu verið birtar á fundinum í kjöri varaformanns, að ekki var búið að telja atkvæði úr einum kjörkassa að sögn Magnúsar Reynis Guðmundssonar, framkvæmdastjóra flokksins. Breyttust því lokatölurnar frá því áður hafði verið tilkynnt en úrslitin voru þau sömu.
Alls voru 811 atkvæði greidd í varaformannskjörinu. Magnús Þór Hafsteinsson fékk 460 atkvæði eða 56,7% en Margrét Sverrisdóttir fékk 351 atkvæði eða 43,3%.
Margrét hefur boðað stuðningsmenn sína á fund annað kvöld til að ræða stöðu mála en hún gaf til kynna, eftir að úrslitin í kjörinu lágu fyrir, að hún íhugaði að yfirgefa flokkinn.
Á landsfundinum fór fram kosning í fjármálaráð og miðstjórn. Flest atkvæði í fjármálaráð fékk Daníel Helgason en hann er jafnframt formaður ráðsins. Einnig voru kjörin Erna Ingólfsdóttir, Sverrir Hermannsson, Eyþór Sigmundsson og Matthías Sveinsson.
Í miðstjórn fékk Grétar Mar Jónsson flest atkvæði en auk hans voru kjörin í miðstjórn Pétur Bjarnason, Óskar Þór Karlsson, Ásgerður Jóna Flosadóttir, Hanna Birna Jóhannesdóttir og Sigurlín Margrét Sigurðardóttir.
Unnið að hraunkælingu allan sólarhringinn
Heimildarmenn tala um hápólitískt drama
Fundur hafinn hjá kennurum, ríki og sveitarfélögum
Vonir bundnar við morgundaginn
Hvatti kjósendur til þess að greiða ógild atkvæði
Börnin eiga að ýta við foreldrum sínum
„Við vöknuðum við hljóð frá sprengingum“
Létu lofthræðsluna ekki á sig fá