Íslandshreyfingin vill að skattleysismörk verði 142.600 krónur

Íslandshreyfingin krefst þess m.a. í stjórnmálaályktun, sem samþykkt var á vorþingi flokksins í dag, að skattleysismörk verði leiðrétt og færð til jafns við það sem í gildi var við valdatöku núverandi stjórnarflokka sem jafngildi 142.600 krónum að núvirði.

„Að slíta skattleysismörk úr samhengi við verðlagsþróun eins og núverandi ríkisstjórn hefur gert er skammarleg framkoma við hina lægst launuðu í landinu, ekki síst  með hliðsjón af gríðarlegri tekjuaukningu ríkissjóðs á undangengnu kjörtímabili. Íslandshreyfingin fordæmir  blygðunarleysi ráðamanna við smíði  ríkulegs eftirlaunafrumvarps í eigin þágu á sama tíma og sultarólin er hert á þeim er síst skyldi. Öryrkjadómur Hæstaréttar verði víti til varnaðar valdhöfum framtíðarinnar á Íslandi," segir í ályktuninni.

Þá krefst Íslandshreyfingin tafarlausrar breytingar á forgangsröðun í velferðarmálum og raunhæfs endurmats á sameignum þjóðarinnar.

Heimasíða Íslandshreyfingarinnar

• 2 blogg um fréttina

Bloggað um fréttina

• Gestur Guðjónsson: Íslandshreyfingin vill minnka velferðina um 51 milljarð !
• Baldvin Jónsson: Virkilega góð ástæða til að kjósa með réttlætiskenndinni