Ingi­björg Sól­rún Gísla­dótt­ir, ut­an­rík­is­ráðherra og formaður Sam­fylk­ing­ar­inn­ar, seg­ir að þau Geir H. Haade, for­sæt­is­ráðherra, verði nú að vinna í sam­ein­ingu úr þeirri stöðu, sem upp er kom­in í stjórn­mál­um eft­ir tíðindi dags­ins.

Ingi­björg Sól­rún kom nú síðdeg­is til Íslands frá Svíþjóð þar sem hún gekkst und­ir aðgerð vegna heila­æxl­is. Hún ræddi við frétta­menn í Leifs­stöð og sagðist í morg­un hafa fengið þær bestu frétt­ir af sín­um veik­ind­um sem hún gat fengið þegar ljóst varð, að heila­æxlið reynd­ist allt vera góðkynja. Á sama tíma hefði hún fengið mik­il ótíðindi af for­sæt­is­ráðherra og hans veik­ind­um, sem hann þyrfti nú að tak­ast á við.

„Úr þess­ari stöðu þurf­um við tvö  að vinna  í sam­ein­ingu. Við mun­um ræða sam­an í ljósi þess­ara breyt­inga, sem þetta hlýt­ur að hafa á sam­starf okk­ar og hvernig við skipu­leggj­um tíma okk­ar á næst­unni," sagði Ingi­björg Sól­rún og bætti við að von­andi fengju þau svig­rúm til þess.

Fram kom á miðstjórn­ar­fundi Sjálf­stæðis­flokks­ins í dag að flokk­ur­inn vill að boðað verði til kosn­inga 9. maí.  Ingi­björg sagðist telja, að sá tími geti vel komið til álita eins og hver ann­ar og maí geti verið ágæt­ur tími til að kjósa. Hins veg­ar ætti  al­veg eft­ir að fara yfir það og ræða það milli stjórn­ar­flokk­anna og vænt­an­lega við for­ystu­menn annarra flokka, hvaða tíma­setn­ing sé best í því efni.

Ingi­björg Sól­rún sagði að það væri til­tölu­lega ein­falt verk­efni að boða til kosn­inga. Flókn­ara yrði að tak­ast á við þau brýnu úr­lausn­ar­efni, sem nú blasi við. Sagði hún að stjórn­ar­flokk­arn­ir verði að sjá til þess að það verði gert og Sam­fylk­ing­in muni ekki hlaupa frá því verki, að sjá til þess að það verði stjórn í land­inu fram að kosn­ing­um.

Tengd­ar frétt­ir

Alþing­is­kosn­ing­ar 2009

Lít­ils­hátt­ar lækk­un á Wall Street

• Ekki hygg­indi að slátra mjólk­ur­kúnni
• Margt ágætt en ósam­mála um tvennt
• Trúi ekki að Sam­fylk­ing­in láti stranda á ESB
• Allt upp á borð fyr­ir kosn­ing­ar?

» Fleiri tengd­ar frétt­ir

• 12 blogg um frétt­ina

Bloggað um frétt­ina

• Stefán Óli Sæ­björns­son: Vel­kom­in Ingi­björg
• Jón Ingi Cæs­ars­son: Öflug­asti stjórn­mála­maður lands­ins mætt­ur.
• Hall­ur Magnús­son: Þjóðstjórn og kosn­ing­ar í apríl
• Marinó G. Njáls­son: Oft var þörf en nú er nauðsyn
• Torfi Kristján Stef­áns­son: Af­drátt­ar­laus yf­ir­lýs­ing um áfram­hald­andi sam­starf!!!
• Hólm­fríður Bjarna­dótt­ir: Ingi­björg kom­in heim.
• Guðmund­ur Ragn­ar Björns­son: Fjöl­miðlafókus
• Magnús Geir Guðmunds­son: Vel­kom­in heim frú Ingi­björg og von­andi fer þér nú að …
• Stefán Friðrik Stef­áns­son: Ingi­björg Sól­rún staðfest­ir kjör­dag­inn 9. maí
• Rakel Sig­ur­geirs­dótt­ir: Lík­am­leg veik­indi firra eng­an ábyrgð gjörða sinna...
• Vil­hjálm­ur Árna­son: Þau munu bæði ná sér.
• Hilm­ar Bragi Bárðar­son: Vi­deo af ISG við kom­una til Kefla­vík­ur