Niðurstaða á morgun
Setja bókamerki
Ingibjörg Sólrún Gísladóttir, utanríkisráðherra, og Össur Skarphéðinsson, iðnaðarráðherra, áttu annan fund með Geir H. Haarde og öðrum forustumönnum Sjálfstæðisflokksins nú síðdegis.
Fundinum er nú lokið og sagði Ingibjörg að niðurstaða væri ekki fengin og yrði væntanlega ekki ljós fyrr en á morgun.
Ingibjörg Sólrún sagði við blaðamenn í dag, að Samfylkingin gerði kröfur um að það færi fram hreinsun og tiltekt í stjórnkerfinu. Björgvin G. Sigurðsson hefði sýnt fordæmi í morgun með Fjármálaeftirlitið og þá hlyti athyglin að beinast að Seðlabankanum í kjölfarið.
Þá sagði hún að ástæða kynni að vera til að skoða breytingar á verkstjórn innan ríkisstjórninnar en engin skilyrði hefðu verið sett. Hún sagði m.a. að flokkarnir hlytu að gera hreint fyrir sínum dyrum í kosningabaráttunni í vor hver afstaða þeirra væri til Evrópumála.
Hún sagði, að forsvarsmenn flokkanna hefðu átt ágætt spjall um þær hugmyndir sem uppi eru um breytingar í stjórnkerfinu. Hún sagðist ekki hafa átt viðræður við aðra flokka en Sjálfstæðisflokkinn í dag.
Virknin dregist saman um 600 metra
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp
Hraunið við bílastæði Bláa lónsins
Mjög alvarlegt ef Njarðvíkuræð gefur sig
„Má segja að þetta gos hafi þjófstartað“
Drónamyndskeið frá hápunkti gossins í nótt