Ragnheiður Ríkharðsdóttir, þingmaður Sjálfstæðisflokksins, sagði við Ríkisútvarpið, að hún vonist til að flokkur sinn sjái til þess, að Davíð Oddsson, formaður bankastjórnar Seðlabankans verði látinn víkja.

Ragnheiður sagðist lesa þannig í stöðuna, að með afsögn viðskiptaráðherra og stjórnar og forstjóra Fjármálaeftirlitsins hafi verið stigin ákveðin skref. „Ég vænti þess að sömu skref verði stigin af bankaráði Seðlabankans og seðlabankastjórum. Og ég vænti þess að flokkurinn minn og forustumenn hafi kjark til þeirrar ákvarðanatöku," sagði Ragnheiður.

Hún sagðist aðspurð ekkert frekar eiga von á því, að núverandi stjórnarsamstarf Sjálfstæðisflokks og Samfylkingarinnar haldi fram að þingkosningum. Vísaði hún til þess ástands, sem ríkt hefði undanfarna daga og yfirlýsinga úr röðum Samfylkingarmanna. 

Tengdar fréttir

Alþingiskosningar 2009

Lítilsháttar lækkun á Wall Street

• Ekki hyggindi að slátra mjólkurkúnni
• Margt ágætt en ósammála um tvennt
• Trúi ekki að Samfylkingin láti stranda á ESB
• Allt upp á borð fyrir kosningar?

» Fleiri tengdar fréttir

• 5 blogg um fréttina

Bloggað um fréttina

• Frikkinn: Undur og stórmerki
• Dögg Pálsdóttir: Sammála
• Bárður Örn Bárðarson: Ekki hugrekki heldur ótti
• Magnús Helgi Björgvinsson: Af hverju þarf þetta að vera svona flókið?
• Gísli Foster Hjartarson: Sko Ragnheiði