Árni Páll Árnason, alþingismaður, hefur ákveðið að gefa kost á sér í kjöri til varaformanns Samfylkingarinnar á landsfundi flokksins í mars. Ágúst Ólafur Ágústsson, alþingismaður, hefur lýst því yfir að hann sækist ekki eftir endurkjöri í embættið.

Í tilkynningu frá Árna Páli segir að framundan sé mikilvægt og vandasamt endurreisnarstarf, innan lands sem og í alþjóðasamstarfi. Nú sem endranær þurfi jafnaðarmenn að hafa forystu og frumkvæði um brýnar umbætur sem taki mið af hagsmunum almennings um öflugt atvinnulíf og trausta velferðarþjónustu. Þar þurfi að vanda til verka enda mikið í húfi.
 
„Ég býð mig fram til þeirra verkefna og hlakka til að takast á við þau í framvarðasveit Samfylkingarinnar undir forystu Ingibjargar Sólrúnar Gísladóttur," segir í tilkynningunni.

Tengdar fréttir

Alþingiskosningar 2009

Lítilsháttar lækkun á Wall Street

• Ekki hyggindi að slátra mjólkurkúnni
• Margt ágætt en ósammála um tvennt
• Trúi ekki að Samfylkingin láti stranda á ESB
• Allt upp á borð fyrir kosningar?

» Fleiri tengdar fréttir

• 1 blogg um fréttina

Bloggað um fréttina

• Haraldur Bjarnason: Af hverju ekki í formann?