Guðjón A. stefnir aftur á þing

Guðjón A. Kristjánsson, formaður Frjálslynda flokksins, stefnir á fyrsta sætið í Norðvesturkjördæmi. Guðjón segir stjórn kjördæmaráðsins nú með það í hendi sér hvert framhaldið verði, hvort stillt verði á lista eða stefnt á prófkjör.

„Ég hef grun um að það sé vilji margra innan Frjálslynda flokksins að við verðum komin áleiðis fyrir landsþingið sem haldið verður um miðjan mars,“ segir Guðjón.

Guðjón leiddi listann í Norðvesturkjördæmi fyrir síðustu kostningar og fékk flokkurinn 13,6% í kjördæminu og tvo af fjórum þingmönnum flokksins kjörna. Flokkurinn fékk 7,6% á landsvísu.

Kristinn H. Gunnarsson fór einnig á þing fyrir flokkinn í Norðvesturkjördæmi. Guðjón vill ekki gefa hvort hann stefni einnig á að halda áfram þingmennsku og þá fyrir flokkinn. Ekki náðist í Kristinn.

• 1 blogg um fréttina

Bloggað um fréttina

• Gunnar Þór Ólafsson: Auðvita er Formaðurinn áfram í 1.sæti