Flótti úr Frjálslynda flokknum

Formenn og varaformenn kjördæmasambanda Frjálslynda flokksins í Reykjavík sögðu af sér í vikunni og gengu úr flokknum. Tryggvi Agnarsson sagði í fréttum Ríkisútvarpsins, að flokkurinn væri stjórnlaus og sé að liðast í sundur.

Tveir þingmenn flokksins af fjórum, þeir Jón Magnússon og Kristinn H. Gunnarsson, hafa sagt sig úr flokknum. Jón er genginn í Sjálfstæðisflokk og að sögn Útvarpsins ætlar Kristinn að bjóða sig fram í prófkjöri Samfylkingar í Suðvesturkjördæmi. Það yrði þá fjórði flokkurinn, sem Kristinn starfar með frá því hann var fyrst kjörinn á Alþingi 1991.

Guðjón Arnar Kristjánsson, formaður flokksins, sagði hins vegar að margir hefðu gengið til liðs við flokkinn að undanförnu. Sagðist Guðjón ekki ætla að segja af sér formennsku.

• 5 blogg um fréttina

Bloggað um fréttina

• Guðsteinn Haukur Barkarson: Á meðan Guðjón lék á fiðluna, kveikti Kiddi í FF …
• Gunnar Þór Ólafsson: Guðjón Arnar,stendur sem klettur.En úfnar öldur reyna að brjóta hann …
• Hafsteinn Viðar Ásgeirsson: Þarna virðist vitleysunni verða allt að vopni.
• Þorsteinn Valur Baldvinsson: Að þekkja sinn vitjunartíma
• G. Tómas Gunnarsson: Sleggjan á Samfylkinguna