Sjálfstæðisflokkur opnar prófkjörsvef

Sjálfstæðisflokkurinn hefur opnað nýjan vef, www.profkjor.is, þar sem frambjóðendur í prófkjörum flokksins kynna sig og sín stefnumál, að því fram kemur í tilkynningu frá flokknum.

Fram kemur að á vefnum sé hægt að skoða hvert kjördæmi fyrir sig og sjá þá frambjóðendur sem eru í framboði. Stutt myndband er með hverjum frambjóðanda þar sem hann kynnir sig og framboð sitt. Auk kynningar á frambjóðendum er inn á vefnum að finna ýmsar hagnýtar upplýsingar um prófkjörið og framkvæmd þeirra.

Segir í tilkynningunni að vefurinn sé bæði hugsaður til að kynna frambjóðendur og prófkjörin en líka til þess að auðvelda frambjóðendum að koma sér á framfæri. Vilji standi til þess að halda kostnaði í tengslum við prófkjörin í skefjum og sé þessi vefur liður í því.

Profkjor.is

• 1 blogg um fréttina

Bloggað um fréttina

• Dögg Pálsdóttir: Þá erum við andstæðingar ...