Fylgi Samfylkingar eykst

Fylgi Samfylkingar eykst og mælist 30,5% samkvæmt könnun, sem MMR hefur gert á fylgi stjórnmálaflokkanna. Fylgi Sjálfstæðsflokks mælist 29,3% og fylgi VG 22,7%. Rétt yfir helmingur svarenda segist styðja ríkistjórnina.

Fylgi Samfylkingarinnar hefur aukist mikið frá könnun, sem MMR gerði í febrúar en þá mældist það 24,1%. Fylgi Framsóknarflokksins dalar nokkuð og fer úr 14,9% í febrúar í 10% nú. Stuðningur við Sjálfstæðisflokk og Vinstri græna breytist lítið. Fylgi Frjálslynda flokksins mælist 2,2%.

Þeim fækkar, sem segjast myndu kjósa aðra stjórnmálaflokka en buðu fram síðast og eru nú 5,3%. 51,3% sögðust styðja ríkisstjórnina sem er tæpum 5 prósentum minna en í febrúar.

Könnunin var gerð dagana 3.-5. mars og var heildarfjöldi svarenda 891 einstaklingur.

• 5 blogg um fréttina

Bloggað um fréttina

• Sigurður Hrellir: Hvað með 11% þjóðarinnar?
• Jón Ingi Cæsarsson: Býð VG-liðum í N-austrinu þátttöku í alvöru lýðræði.
• Birgitta Jónsdóttir: Hvaða flokkur er Borgaraflokkurinn?
• Jakob Falur Kristinsson: Samfylkingin
• Auðun Gíslason: Stjórnin með meirihluta. Svar Helbláa flokksins við sekt sinni er …