Sigmundur leiðir listann í Reykjavík norður

Sigmundur Davíð Gunnlaugsson, formaður Framsóknarflokksins mun leiða flokkinn í Reykjavíkurkjördæmi norður í Alþingiskosningunum í vor og Vigdís Hauksdóttir, lögfræðingur hjá Alþýðusambandi Íslands, verður í 1. sæti á lista í Reykjavíkurkjördæmi suður. Þetta var ákveðið á aukakjördæmisþingi í dag.

Efstu sætin í Reykjavík norður skipast því svona hjá Framsókn:

1. sæti: Sigmundur Davíð Gunnlaugsson, skipulagshagfræðingur og formaður Framsóknarflokksins.
2. sæti: Ásta Rut Jónasdóttir, stjórnmálafræðingur, verkefnastjóri og formaður Hagsmunasamtaka heimilanna.
3. sæti: Þórir Ingþórsson, sérfræðingur hjá Tryggingamiðstöðinni.

Í Reykjavík suður verða efstu sætin á þessa leið:

1. sæti: Vigdís Hauksdóttir, lögfræðingur hjá Alþýðusambandi Íslands.
2. sæti: Einar Skúlason, framkvæmdastjóri þingflokks Framsóknarflokksins og fyrrverandi framkvæmdastjóri Alþjóðahúss.
3. sæti: Guðrún Valdimarsdóttir, sem er m.a. fyrrverandi framkvæmdastjóri Landsmóts hestamanna.

Matthías Imsland, formaður kjördæmissambands Framsóknarfélaganna í Reykjavík segir að kosningabaráttan sé framundan. Búið sé að skipa kosningastjóra í Reykjavík en ekki verði tilkynnt um hann fyrr en eftir helgi þegar baráttan fer af stað. Þá hefur einnig verið skipaður kosningastjóri Framsóknarflokksins á landsvísu.

• 4 blogg um fréttina

Bloggað um fréttina

• Salvör Kristjana Gissurardóttir: Margir vilja í framboð fyrir Framsóknarflokkinn
• Stefán Friðrik Stefánsson: Pólitísk áhætta Sigmundar - sterk staða Alfreðs
• Hallur Magnússon: Verð ekki í framboði eins og ég stefndi að
• Magnús Helgi Björgvinsson: Töluvert kynningar starf eftir hjá framsókn