Ekki sáttur við mína útkomu

„Ég stefndi auðvitað á 1. sætið þannig að ég er ekki sáttur við mína útkomu. Þetta var mjög naumt, það munað aðeins 57 atkvæðum á mér og Árna Páli í 1. sætið,“ segir Lúðvík Geirsson, bæjarstjóri í Hafnarfirði, sem hafnaði í 3. sæti í prófkjöri Samfylkingarinnar í Suðvesturkjördæmi.

Lúðvík segir erfitt að meta hvað réði úrslitum við röðun í efstu sæti listans.

„Það er erfitt að sjá hvaðan úr kjördæminu þessi atkvæði koma, það liggur engin slík skipting fyrir. En því er ekki að neita að ég hef fundið að margir hér í Hafnarfirði eru ekki sáttir við að ég sé að yfirgefa bæjarstjórn. Það hefur örugglega haft eitthvað að segja,“ segir Lúðvík.

Hann segir listann sigurstranglegan.

„Ég held að það sé alveg ljóst að Samfylkingin er hér að sækja fimmta manninn í þessu kjördæmi. Flokkurinn var nálægt því í síðustu kosningum og mun gera það núna, ég hef enga trú á öðru.“

• 1 blogg um fréttina

Bloggað um fréttina

• Tómas Ibsen Halldórsson: Bæjastjóranum hafnað