Hefði viljað sjá konur

„Ég er mjög þakklát fyrir þennan mikla stuðning sem ég hef hlotið eins og þetta liggur fyrir núna,“ segir Ólöf Nordal, sem sóttist eftir 2.-3. sæti í prófkjöri Sjálfstæðisflokksins í Reykjavík og lendir, samkvæmt nýjustu tölum í 4. sæti. „Ég var auðvitað að stefna hátt, en maður veit aldrei hvað gerist.“

Ólöf færði sig sem kunnugt er milli kjördæma, en hún var upphaflega kosinn inn á þing sem þingmaður í Norðausturkjördæmi. 

„Mér finnst afar leiðinlegt að sjá hvað konur koma illa út úr þessu prófkjöri. Ég hefði viljað sjá konur ofar á listanum. Það voru sterkar konur í kjöri, en þær fengu ekki brautargengi,“ segir Ólöf og bendir á konur séu aftur á móti að fá góða kosningu í önnur sæti en baráttusætin á listanum. „Það er verið að kjósa þær miklu neðar á lista. Þessi niðurstaða kemur mér á óvart. Ég hélt satt að segja að konum myndi farnast betur í þessu prófkjöri.“ 

• 4 blogg um fréttina

Bloggað um fréttina

• Haraldur Haraldsson: Hefði vilja sjá fleiri konur !!!!!
• Smári Jökull Jónsson: Konur vel metnar, nema hjá Sjálfstæðisflokki
• Jenný Anna Baldursdóttir: Snillingar í að vinna þegar þeir tapa
• Jakobína Ingunn Ólafsdóttir: Eru sjálfstæðiskonur óverðugar?