Fann fyrir víðtækum stuðningi

„Í raun og veru kom þetta ekki svo mikið á óvart. Ég fann mjög víðtækan stuðning í kjördæminu í aðdraganda þingsins," sagði Birkir Jón Jónsson, sem sigraði í prófkjöri Framsóknarflokksins í Norðausturkjördæmi.

Birkir sagði að  ljóst hefði verið, að baráttan yrði hörð á milli hans og Höskuldar Þórhallssonar í ljósi þess að þeir komu báðir mjög sterkir út úr síðasta flokksþingi. Báðir sóttust eftir 1. sæti á lista framsóknarmanna í kjördæminu.

„En baráttan var heiðarleg og samstarfið verður gott. Mér líst vel á þennan lista sem við höfum nú valið okkur,“ sagði Birkir Jón.

• 4 blogg um fréttina

Bloggað um fréttina

• Jenný Anna Baldursdóttir: Takk, en nei takk
• Jóna Kolbrún Garðarsdóttir: Komast Bakkabræður á þing?
• Sigríður B Svavarsdóttir: Til hamingju Birkir Jón!
• Rúnar Þór Þórarinsson: Alþingi er orðinn skrípaleikur