Innlent | Kosningar | mbl | 20.3.2009 | 10:23

Landsfundur VG hefst í dag

Sjötti reglulegi landsfundur Vinstrihreyfingarinnar - græns framboðs hefst í dag og mun standa yfir helgina verður haldinn á Hótel Nordica. Fundurinn verður sá og langfjölmennasti til þessa, að því fram kemur í frétt frá VG, enda hafi mikil fjölgun orðið í flokknum undanfarin misseri og séu félagar orðnir yfir 5000 talsins.

Fulltrúarnir koma frá alls 32 svæðisfélögum víðs vegar um landið og jafnvel erlendis frá en nýjasta svæðisfélagið í Kaupmannahöfn og suður-Svíþjóð sendir fulltrúa.

Fram kemur í tilkynningunni að á fundinum verði lagðar línur fyrir komandi kosningar og helstu baráttumálin rædd. Mikil virkni hafi verið í flokknum undanfarið og muni landsfundurinn einkennast af því.

Fyrir fundinn verða meðal annars lagðar fram ítarlegar tillögur að stefnu flokksins í helbrigðismálum og sjávarútvegsmálum. Báðar tillögurnar séu afrakstur gróskumikils hópastarfs síðustu mánuði og ár. Einnig verða ályktanir bornar upp til samþykktar og skerpt á áherslumálum, auk þess að kosið verður í embætti og stjórn flokksins, segir ennfremur í tilkynningunni. Steingrímur J. Sigfússon flytur ræðu á opnunarhátíðinni í dag og er gert ráð fyrir að hún hefjist um kl. 17.45.

Dagskrá fundarins er annars sem hér segir:

Föstudagur 20. mars 2009

15:00 Starfsmenn fundarins kosnir og kjörbréf samþykkt

15:30 Skýrsla stjórnar og reikningar

16:00 Málefnahópar skipaðir

Drög að ályktunum kynnt

Drög að kosningastefnuskrá kynnt

Lagabreytingar – fyrri umræða

16:30 Hlé

17:00 Opnunarhátíð

20:00 Almennar stjórnmálaumræður

Laugardagur 21. mars 2009