Var á leið að hætta

Jóhanna Sigurðardóttir forsætisráðherra segist hafa hugsað sem svo þegar kjörtímabilið hófst, að það yrði jafnvel  hennar síðasta. Síðan hefði ýmislegt breyst og hún ákveðið að halda áfram í stjórnmálum.

Jóhanna sem gegnir valdamesta embætti landsins, á erfiðasta tímanum í lýðveldissögunni, býður sig fram til formennsku í Samfylkingunni og gæti því orðið áfram forsætisráðherra í ríkisstjórn eftir kosningar ef núverandi stjórnarflokkar halda áfram samstarfi.
Hún  segist vera að bjóða sig fram til að leysa þau verkefni sem séu framundan  í samfélaginu, að endurreisa atvinnulífið og bjarga heimilunum í landinu. Hún segir að þau verkefni taki að líkindum nokkur misseri eða ár. Hún ætli ekki að hlaupast frá hálfunnu verki og sé því ekki að bjóða sig fram til skamms tíma. Sjá MBL sjónvarp.

• 6 blogg um fréttina

Bloggað um fréttina

• Heimir Lárusson Fjeldsted: Félagsskapurinn á eftir að reynast hennar versti óvinur
• Guðrún Katrín Árnadóttir: Hennar tími er kominn
• Jóhann Elíasson: Er eitthvað erfitt að skilja það????
• Þórkatla Snæbjörnsdóttir: 100 kr. plús 1000 kall?
• Guðrún Emilía Guðnadóttir: Til hamingju Jóhanna.
• Þráinn Jökull Elísson: Frábært Jóhanna.