Jóhanna fékk 97,9%
Setja bókamerki
Jóhanna Sigurðardóttir er nýr formaður Samfylkingarinnar. Hún var kjörin með 97,9% atkvæða á landsfundi flokksins.
Jóhanna þakkaði traustið og hvatningu sem hún hafði fengið og færði Ingibjörgu Sólrúnu Gísladóttur um leið hjartans þakkir fyrir óeigingjarnt starf í þágu flokksins.
„Ingibjörg hefur brotið blað í íslenskum stjórnmálum og í kringum hana hafa vinstrimenn sameinast. Hún er brautryðjandi í okkar baráttu okkar.“
Jóhanna sagði úrslitin vera sér mikinn heiður og hún tæki þeim af auðmýkt. Hið mikla traust og hvatning sem henni hefðu verið sýnt hefðu komið henni í opna skjöldu og þeirra vegna stæði hún hér.
„Andstæðingar mínir hafa haldið fram að ég sé formaður til bráðabirgða. En ég bendi þeim á að ég vil gjarnan vera í þessu starfi eins lengi og flokkurinn telur að ég geti gert gagn og þurfi á kröftum mínum að halda. Ég er ekki upp á punt sem formaður Samfylkingarinnar.“
Beint: Ný ríkisstjórn tekin við völdum
Hrikalegt að heyra fréttirnar
Lát hjóna í Neskaupstað: Ákæra gefin út
Samfylking og Viðreisn gáfu loforð
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
