Hafa ekki leyst ágreining um ESB

Steingrímur J. Sigfússon, formaður Vinstrihreyfingarinnar - græns framboðs, segir að stjórnarflokkarnir hafi ekki gert með sér neitt samkomulag um Evrópumál. Þeir gangi til kosninga með ólíkar stefnur í þessu máli.

Forystumenn beggja flokka hafa lýst yfir áhuga á að starfa saman í ríkisstjórn eftir kosningar fái þeir til þess meirihluta. Steingrímur hafnar því að það feli í sér að flokkarnir hafi leyst ágreining milli þeirra um Evrópumál.

„Flokkarnir tefla fram stefnu sinni í þessum kosningum nákvæmlega eins og verið hefur. Síðan geri ég ráð fyrir því að þeir flokkar sem hyggja á stjórnarsamstarf setjist niður og ræði þau mál. Stefna okkar í VG liggur alveg skýr fyrir og við fylgjum henni fast eftir þó að við höfum ekki verið með neinn hávaða í þeim efnum. Menn geta alveg treyst því að við stöndum á okkar grundvallarstefnu í þessum efnum eins og öðrum," sagði Steingrímur J.

• 5 blogg um fréttina

Bloggað um fréttina

• Haukur Gunnarsson: Og munu heldur ekki geta það, frekar en annað
• Andri Geir Arinbjarnarson: Mikil hrossakaup í vændum
• Magnús Helgi Björgvinsson: Til athugunar fyrir Steingrím og aðra ESB andstæðinga!
• Guðmundur Jónas Kristjánsson: Hvers vegna svarar Steingrímur J ekki grundvallarspurningunni ?
• Gestur Guðjónsson: ESB umsóknarstjórn í kortunum