Húsfyllir á fundi Samfylkingar

Húsfyllir er á fundi Samfylkingarinnar um efnahagsmál sem nú stendur yfir á Grand hótel. En þar er kynnt efni nýrrar skýrslu, Skal gert, um leiðir jafnaðarmanna í efnahagsmálum.

Jóhanna Sigurðardóttir forsætisráðherra, hóf fundinn, en skýrsluna sagði hún samvinnu Samfylkingarinnar og hóps fræðimanna. Samfylkingin væri ennfremur eini flokkurinn með skýra stefnu í gjaldeyrismálum.

Umsókn að ESB aðildarviðræðum getur orðið akkeri fyrir endurreisn atvinnulífs. Þetta kom fram í máli Jóns Sigurðssonar hagfræðings á fundi Samfylkingarinnar um efnahagsmál.

Rakti Jón atburðina að baki falls bankanna og sagði atburði síðustu missera hafa fært Íslendingum heim sannindi um að átta ára tilraun peningastefnunnar hafi mistekist. Endurskoðun á þeirri stefnu sé  mikilvægur þáttur í endurreisn íslensks atvinnulífs.

Forgangsverkefni í þeirri endurreisn séu þrjú: stöðugleiki krónunnar, lækkun vaxta og afnám gjaldeyrishafta. Sagði Jón trúverðugleika Seðlabankans þegar hafa verið aukinn og upphaf þessa starfs, m.a. vegna reglubreytinga, lofa góðu. ESB-aðild væri líka lykilatriði í þessari endurreisn, enda þurfi Íslendingar að leggja aukna áherslu þurfi að leggja á milliríkjasamstarf og betra samstarf við alþjóðastofnanir.

Jón Sigurðsson flutti erindi á fundinum í morgun mbl.is/Ómar

• 12 blogg um fréttina

Bloggað um fréttina

• Jón Finnbogason: Stuð og gaman - suð og saman
• S i g u r ð u r S i g u r ð a r s o n: Enn ein skýrslan frá Samfylkingunni
• Baldur Hermannsson: Hennar tími er kominn - því miður!
• Sævar Helgason: Efnahagsstefna Samfylkingarinnar - til endurreisnar
• Einar Guðjónsson: Opinberir starfsmenn og ellilífeyrisþegar
• Viggó H. Viggósson: Leiftursókn til endurreisnar!
• Gísli Foster Hjartarson: Hva húsfyllir!!!!!
• Haraldur Haraldsson: Húsfyllir á fundi Samfylkingar//ESB er það sem reddar öllu !!!!!
• Haraldur Hansson: Nú þyngist ESB trúboðið
• Dofri Hermannsson: Fyrirtækin flýja krónuna
• Aliber: Hækka skatta, lækka laun?
• Þorsteinn Helgi Steinarsson: Um trúverðugleika