Kjörsókn áfram góð

Kjörsókn hefur haldið áfram að mælast ívið meiri en í alþingiskosningunum 2007. Kjörsókn í Reykjavík norður var 49,97% klukkan 17 og þá höfðu 21.881 manns kosið. Í síðustu kosningum mældist þátttaka á sama tíma 46,7%. Í Reykjavík suður höfðu 22.850 kosið klukkan 17 eða 52,23%, árið 2007 var kjörsókn 48,67%.

Í Suðvesturkjördæmi höfðu 30.029 manns kosið klukkan 17 eða 51,6% kjósenda kjördæmisins. Árið 2007 höfðu 26.114  kosið á sama tíma eða 47,8% og árið 2003 höfðu 25.586  kosið eða 52,4% 

Í Reykjanesbæ höfðu 4.638 manns kosið  eða 48,7% kjósenda, í Grindavík höfðu 909 kosið eða 49,3% og í Vestmannaeyjum höfðu 1.453 kosið eða 48,7% á öllum þessum stöðum var um aukningu að ræða frá kosningunum 2007 og í Grindvík nam aukningin 5%.

Í Kópavogi höfðu 11.409 manns eða 52,87% kosið klukkan 17.  

• 6 blogg um fréttina

Bloggað um fréttina

• Páll Höskuldsson: Farvel Franz.
• Hilmar Gunnlaugsson: Ég hélt tryggð við Sjálfstæðisflokkinn og kaus hann í dag
• Jón Kristófer Arnarson: Góð kjörsókn kemur sér vel fyrir Borgarahrefyinguna
• Dofri Hermannsson: Takk
• Bergur Thorberg: Did you vote for the Pot and the Pan party???
• Haukur Nikulásson: Borgarahreyfingin líklega með yfir 10% atkvæða