Ráðin kosningastjóri Sjálfstæðisflokksins

Þórey Vilhjálmsdóttir hefur verið ráðin til Sjálfstæðisflokksins sem kosningastjóri fyrir borgarstjórnarkosningar 2010. Þórey mun síðar taka við starfi framkvæmdastjóra borgarstjórnarflokks af Kristínu Hrefnu Halldórsdóttur sem fer í fæðingarorlof.

Þórey er með BS gráðu í alþjóðaviðskiptum frá Háskóla Íslands og MBA gráðu frá Háskólanum í Reykjavík. Hún hefur síðastliðið ár starfað sem framkvæmdastjóri Hönnunarmiðstöðvar Íslands.

Hún er einn af stofnendum V-dagssamtakanna og situr í stjórn Hvatar, félags sjálfstæðiskvenna í Reykjavík. Þórey situr einnig í leikskólaráði Reykjavíkurborgar fyrir hönd Sjálfstæðisflokksins.

 Hún er í sambúð með Ríkharði Daðasyni og eiga þau tvö börn.

• 3 blogg um fréttina

Bloggað um fréttina

• Áslaug Friðriksdóttir: Glæsilegt að fá Þórey
• Auðun Gíslason: Hef mínar efasemdir.
• Baldur Hermannsson: Enn einn ljósgeislinn í vinstra myrkrinu