Gefur kost á sér í 1. sæti

Ragnheiður Hergeirsdóttir, bæjarstjóri í Árborg, sækist eftir fyrsta sæti í forvali Samfylkingarinnar í Árborg sem fram fer laugardaginn 20. febrúar n.k. Ragnheiður kveðst hafa ákveðið að gefa kost á sér vegna fjölda áskorana.

Ragnheiður segir m.a. í tilkynningu sinni:

„Framundan er forval Samfylkingarinnar í Árborg vegna sveitarstjórnakosninga næsta vor. Síðast liðið haust tilkynnti ég um að ég hygðist ekki gefa kost á mér á framboðslista fyrir komandi sveitarstjórnakosningar.  Í ljósi fjölda áskorana og mikillar hvatningar til að endurskoða fyrri ákvörðun mína og halda áfram þátttöku í  sveitarstjórnamálum hef ég ákveðið að bjóða fram krafta mína og reynslu til áframhaldandi starfa í þágu íbúa Árborgar.“ 

• 1 blogg um fréttina

Bloggað um fréttina

• Einar Guðjónsson: Fjölskyldan vill hafa mig áfram.