Lýsa yfir stuðningi við Ármann

Þrír bæjarfulltrúar í Kópavogi hafa sent frá sér yfirlýsingu um að þeir styðji Ármann Kr. Ólafsson til forystu í bæjarstjórn. Ármann keppnir við Gunnar I Birgisson, fyrrverandi bæjarstjóra um sæti oddvita Sjálfstæðisflokksins í Kópavogi.

„Við undirrituð bæjarfulltrúar Sjálfstæðisflokksins í Kópavogi styðjum Ármann Kr. Ólafsson til að leiða lista sjálfstæðismanna í bæjarstjórnarkosningunum í vor. Við höfum unnið náið með Ármanni í bæjarstjórn og nefndum bæjarins og vitum að hann hefur þá þekkingu, reynslu og hæfileika til að bera sem forystumanni eru nauðsynlegir.
 
Við treystum Ármanni sem leiðtoga sjálfstæðismanna í Kópavogi til að innleiða nýjar áherslur hjá Sjálfstæðisflokknum í bænum og halda í heiðri vinnubrögð sem byggjast á virðingu gagnvart ólíkum skoðunum, gagnsæi og trausti. Við vitum jafnframt að Ármann býr yfir þeirri ákveðni sem þarf til að fylgja baráttumálum sjálfstæðismanna eftir.
 
Við hvetjum sjálfstæðismenn í Kópavogi til að taka þátt í prófkjörinu 20. febrúar og setja saman sterkan lista sem mun tryggja Sjálfstæðisflokknum glæsilega niðurstöðu í kosningunum í vor.“

Undir yfirlýsinguna skrifa Gunnsteinn Sigurðsson, bæjarstjóri, Ragnheiður K. Guðmundsdóttir og Sigurrós Þorgrímsdóttir.

• 3 blogg um fréttina

Bloggað um fréttina

• A. Agnes Gunnarsdóttir: Sami hópur og setti sundskattinn á aldraða
• Dolli dropi: Erfðabreytileikinn; sjálfstæðisgenið
• Magnús Helgi Björgvinsson: Nokkrir mánuðir án Gunnars og nú sjá Sjálfstæðismenn að það …