Ætla að takmarka auglýsingakostnað

Stjórnmálaflokkarnir, sem bjóða fram til sveitarstjóra um land allt, hafa gert samkomulag um að takmarka auglýsingakostnað í aðdraganda sveitarstjórnakosninganna 29. maí.

Samkomulagið felur í sér að heildarkostnaður hvers flokks verði ekki hærri en 11 milljónir króna að viðbættum virðisaukaskatti á tímabilinu frá 29. apríl til 29. maí sem er rúmleg 20% lægri upphæð en miðað var við fyrir alþingiskosningarnar 2009. 

Jafnframt er samkomulag um að Creditinfo hafi eftirlit með framkvæmdinni.

Að samkomulaginu standa Framsóknarflokkur, Samfylkingin, Sjálfstæðisflokkurinn og Vinstrihreyfingin-grænt framboð.  Flokkarnir gerðu fyrst samkomulag af þessu tagi fyrir alþingiskosningarnar árið 2007 og síðan aftur 2009 en þá var hámarksfjárhæðin 14 milljónir króna.

• 1 blogg um fréttina

Bloggað um fréttina

• Axel Jóhann Hallgrímsson: Blekkingar og sýndarmennska