Skattar verði ekki hækkaðir í Reykjavík

Sjálf­stæðis­flokk­ur­inn í Reykja­vík legg­ur megin­á­herslu á að standa vörð um grunnþjón­ust­una í borg­inni og for­gangsraða í þágu fjöl­skyldna fyr­ir kom­andi kosn­ing­ar. Fram­bjóðend­ur flokks­ins kynntu stefnu­skrá sína í Hljóm­skál­an­um í dag.  

Í til­kynn­ingu frá flokkn­um seg­ir að „skatt­ar verði ekki hækkaðir í Reykja­vík og gjöld fyr­ir grunnþjón­ustu verði áfram með þeim lægstu á land­inu. Þá eigi að skapa auk­in tæki­færi til at­vinnu­sókn­ar áfram­hald­andi fram­kvæmd­um og átaks­verk­efn­um og bættri þjón­ustu borg­ar­inn­ar við fyr­ir­tæki og frum­kvöðla.“

Hanna Birna Kristjáns­dótt­ir, borg­ar­stjóri og odd­viti Sjálf­stæðismanna í Reykja­vík, sagði á kynn­ing­ar­fund­in­um í dag að borg­ar­bú­ar verði að geta treyst því að Reykja­vík­ur­borg standi með þeim. „Við höf­um sýnt að það er hægt að standa vörð um grunnþjón­ustu Reykja­vík­ur­borg­ar án þess að hækka skatta og án þess að stefna borg­ar­sjóði í hættu. Við verðum að nýta krafta allra og vinna sam­an fyr­ir Reyk­vík­inga,“ seg­ir Hanna Birna. 

• 4 blogg um frétt­ina

Bloggað um frétt­ina

• Jakobína Ing­unn Ólafs­dótt­ir: Hækk­un þjón­ustu­gjalda og lækk­un bóta
• Har­ald­ur Har­alds­son: Skatt­ar verði ekki hækkaðir í Reykja­vík !!!!!!!
• Ásta Haf­berg S.: Kynnig fram­boða og mál­efna þeirra
• Bald­vin Jóns­son: REYKJAVÍKURFRAM­BOÐIÐ tal­ar í lausn­um - vill fólk áfram­hald­andi inni­haldsrýra frasa?