Framboðsfundi í Eyjum frestað vegna öskufalls

Framboðsfundi vegna sveitarstjórnarkosninga sem vera átti í Höllinni Vestmannaeyjum á morgun þriðjudag hefur verið frestað vegna öskufalls, að því er segir í tilkynningu frá útvarpsstöðinni Suðurland FM.

„Í ljósi aðstæðna sem Vestmannaeyingar eru í vegna öskufalls er fyrirhuguðum framboðsfundi Suðurland FM sem vera átti þriðjudaginn 18. maí í Höllinni, frestað til mánudagsins 24. maí kl. 16 í Höllinni," segir í tilkynningunni. 

Fundurinn er hluti af fundaröð útvarpsstöðvarinnar í sveitarfélögum á Suðurlandi sem sendir verða út í beinni útsendingu á vef Suðurland FM.

Fundarröðin er sem hér segir. Allir fundirnir, nema í Vestmannaeyjum, hefjast kl.20:

19. maí Rangárþing eystra Hvollinn
20. maí Rangárþing ytra Safnaðarheimilið
24. maí Vestmannaeyjar Höllinn

25. maí Ölfus Ráðhúskaffi
26. maí Hveragerðisbær Þinghúsið (Hótel Hveragerði)
27. maí Árborg Hvítahúsið

• 1 blogg um fréttina

Bloggað um fréttina

• Sigríður Sigurðardóttir: Lítill framboðsfundur....