Dagur gagnrýnir Árna Pál
Setja bókamerki
Í umræðu í borgarstjórn í dag upplýsti Dagur B. Eggertsson, oddviti Samfylkingarinnar í borgarstjórn, eftir fyrirspurn borgarstjóra, að hann hefur komið á framfæri alvarlegum athugasemdum við forystu ríkisstjórnarinnar og félagsmálaráðherra, Árna Pál Árnason, vegna yfirlýsinga félagsmálaráðherra um niðurskurð í velferðarkerfinu frá því um síðustu helgi.
Óásættanlegt er að niðurskurður í velferðarkerfinu leiði til uppsagna og öllu máli skiptir að staðinn verði vörður um þjónustuna eins og nokkur er kostur, að því er segir í tilkynningu frá borgarstjórnarfulltrúum Samfylkingarinnar.
„Hagræðing er nauðsynleg en þar eru fleiri leiðir færar en fækkun starfa. Flest bendir jafnframt til að niðurskurðarþörfin sem lá yfirlýsingum ráðherra til grundvallar hafi verið ofmetin og miklu nær er að leita hagræðingar í samvinnu við verkalýðsfélög, starfsfólk og stofnanir. Þessu sagðist Dagur myndi fylgja fast eftir við útfærslu niðurskurðar ríkisfjármála í sumar og haust. Og það sama á við um stjórn borgarinnar. Velferð og atvinna skipta mestu máli í kreppu," samkvæmt tilkynningu.
Óttast að fólk fari aftur að eyða peningum
Þórarinn: Tafir á höfuðborgarsvæðinu ekki minni
Tekist á um áður óþekkta skýrslu landlæknis
Hvað gerðist eiginlega í VMA?
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Hraunið náð Njarðvíkuræð: Fylgjast með raflínu
Borgin verður af milljörðum eftir dóm Hæstaréttar