Vatnsmýrin „í gíslingu" fjórflokksins í Reykjavík

Reykjavíkurframboðið vill nýta a.m.k. 70 milljarða króna eign borgarbúa í Vatnsmýrinni „sem nú er föst í gíslingu fjórflokksins í Reykjavík vegna hagsmuna á landsvísu," segir í tilkynningu frá Reykjavíkurframboðinu sem býður fram undir listabókstafnum E í komandi borgarstjórnarkosningum. Reykjavíkurframboðið kynnti stefnumál sín fyrir fjölmiðlum í Perlunni í dag. 

Framboðið telur að mikil verðmæti séu falin í Vatnsmýrinni. „Þessi eign er bjarghringur í kreppunni bara ef Reykjavíkurframboðið fær stuðning til þess að breyta skipulagi miðborgarbyggðar," segir í tilkynningu frá framboðinu. 

Þar segir ennfremur að þessi eign eigi að „duga til að milda áhrif kreppunnar á Reykvíkinga bæði til að taka til baka skerðingar í velferðamálum og eins til þess að örva atvinnulíf. Þessi eign í Vatnsmýrinni getur líka hjálpað til að vernda Orkuveitu Reykjavíkur sem er illa stödd núna."

Vefsíða Reykjavíkurframboðsins

• 5 blogg um fréttina

Bloggað um fréttina

• Axel Jóhann Hallgrímsson: Hvaða dagatal hangir uppi hjá þessu E-ndemis framboði?
• Baldvin Jónsson: REYKJAVÍKURFRAMBOÐIÐ að grínast?
• Axel Jóhann Axelsson: Listi töframanna reynir að slá út spaugaraframboðið
• Jón Ingi Cæsarsson: Enn ein bullumræðan um Reykjavíkurflugvöll.
• Ólafur Ingi Hrólfsson: Stríð við landsbyggðina