Meðalaldur frambjóðenda 47 ár

Meðalaldur allra frambjóðendanna 523, sem bjóða sig fram til stjórnlagaþings, er 47 ár, sá sami hjá körlum og konum. Elsti karlinn er áttræður og sá yngsti 19 ára. Elsta konan er 66 ára og sú yngsta er 22 ára.

Fram kemur á vef stjórnlagaþings, að frambjóðendur koma úr öllum starfsstéttum, en fjölmennasti hópurinn er í námi eða 45 frambjóðendur og næst fjölmennasti hópurinn stundar kennslu eða 44. Þar af eru 7 prófessorar.

32 framkvæmdastjórar eða forstjórar bjóða sig fram, 28 lögmenn/lögfræðingar, 16 viðskipta-eða hagfræðingar, 15 verkefnastjórar, 13 ráðgjafar, 12 blaða- eða fjölmiðlamenn, 11 verkfræðingar, 10 arkitektar, 10 læknar, 10 stjórnmálafræðingar, 6 bændur, 3 prestar og 5 skrá sig atvinnulausa.

Um 78% frambjóðenda búa á höfuðborgarsvæðinu og 22% utan höfuðborgarsvæðisins. Þá eru sjö frambjóðendur búsettir erlendis.

Listi yfir frambjóðendur til stjórnlagaþings

• 3 blogg um fréttina

Bloggað um fréttina

• Björn Birgisson: Fáránleg aðferð við kosningarnar
• Gísli Foster Hjartarson: Vel undir....
• Guðrún María Óskarsdóttir.: Hve margir frambjóðendur til stjórnlagaþings, sitja Þjóðfundinn ?