Frambjóðendur kynntir á vefnum

Dómsmála- og mannréttindaráðuneytið hefur nú opnað vefsvæði með kynningu á frambjóðendum til stjórnlagaþings á vefnum kosning.is. Þar er líka að finna hjálparkjörseðil þar sem kjósendur geta raðað þeim frambjóðendum sem þeir hafa áhuga á að kjósa, prentað seðilinn út og tekið með sér á kjörstað.

Unnið er að gerð prentaðs kynningarefnis sem sent verður á hvert heimili í landinu þriðjudaginn 16. nóvember nk. og kynningarkjörseðils sem sendur verður öllum kjósendum sama dag.

Frambjóðendur sjálfir eru höfundar þess kynningartexta sem birtur er á vefnum kosning.is. Kynningarefnið hefur verið yfirlesið og lagfært með tilliti til málfars og stafsetningar.

Á sérsíðu um hvern frambjóðanda kemur fram í samandregnu máli af hverju viðkomandi býður sig fram, birtar eru upplýsingar um menntun, starfsreynslu, aldur, netfang og vefsíður sem vísa á frekara kynningarefni, hafi frambjóðendur kosið að láta það fylgja framboði sínu. Þá kemur fram fjögurra tölustafa auðkennistala sem hverjum frambjóðanda var úthlutað af landskjörstjórn og færa þarf á kjörseðil á kjördag í stað nafns.

Gild framboð voru upphaflega 526 talsins. Síðan hafa fjórir frambjóðendur afturkallað framboð sín.  Alls verða því 522 frambjóðendur í kjöri til stjórnlagaþings. Á vefnum kosning.is er leitarvél þar sem hægt er kalla fram upplýsingar um frambjóðendur eftir stafrófsröð, starfsheiti, póstnúmeri, sveitarfélagi eða kyni. 

Vefurinn kosning.is

• 6 blogg um fréttina

Bloggað um fréttina

• Ástþór Magnússon Wium: Nýtt lýðveldi á Facebook.com/lydveldi
• S i g u r ð u r S i g u r ð a r s o n: Listi samkvæmt bestu leið til að velja
• Gísli Foster Hjartarson: Fín kynning en verður ESB í stjórnarskránni?
• Sædís Ósk Harðardóttir: Ógjörningur eða hvað?
• Axel Þór Kolbeinsson: Frambjóðandi 2336
• Ragnheiður : ég skoðaði þetta vel áðan