Talað var við nærri 500 frambjóðendur

Ríkisútvarpið tók um helgina viðtöl við tæplega fimmhundrað frambjóðendur til Stjórnlagaþings. Fyrstu viðtölunum verður útvarpað á Rás 1 í kvöld, frá klukkan 19 til 24. 

Haft var samband við 504 einstaklinga, eða um 97% frambjóðenda. Viðtöl voru tekin við 92% frambjóðenda, um 3% höfðu ekki áhuga á því að mæta og 2% mættu ekki í boðuð viðtöl. Ekki náðist í 3% frambjóðenda.

Hljóðritun viðtalanna hefur farið fram í Útvarpshúsinu í Reykjavík alla helgina. Frambjóðendur hafa sest í hljóðstofur í allt að 12 manna hópum, þar sem þeim hefur gefist kostur á að kynna sjónarmið sín á fimm mínútum. Símaviðtöl hafa verið tekin við þá sem búa á landsyggðinni, hafa verið erlendis eða ekki átt heimangengt. 

Viðtölin verða aðgengileg á vefnum og verður hægt að kalla fram hvern frambjóðanda fyrir sig og hlusta á hann.

Hér að neðan er listi yfir útsendingartímaviðtalanna á Rás1næstu daga:

Mánudagur 19 – 24
Þriðjudagur 9 – 12
Þriðjudagur 14 – 16
Þriðjudagur 19 – 24
Miðvikudagur 9 – 12
Miðvikudagur 14 – 16
Miðvikudagur 19 – 24
Fimmtudagur 9 – 12
Fimmtudagur 14 – 16
Föstudagur 9 – 12
Föstudagur 14 – 16
Föstudagur 19 – 22.

• 9 blogg um fréttina

Bloggað um fréttina

• Friðrik Hansen Guðmundsson: Umræðan og kosningabaráttan fyrir Stjórnlagaþingið að komast á skrið.
• Guðrún María Óskarsdóttir.: Ríkisútvarpið fær Rós í hnappagatið.
• Elín Erna Steinarsdóttir: Gott framtak
• Kristbjörg Þórisdóttir: Fagna framtaki Rúv
• Axel Þór Kolbeinsson: Viðtalið við mig
• Ómar Ragnarsson: Framboð 9365: Dæmi um sjálfbæra þróun.
• Þorsteinn H. Gunnarsson: Misverðmæt atkvæði-sæti
• Jakobína Ingunn Ólafsdóttir: Þekkingu á stjórnlagaþing
• Björn Birgisson: Gamla Gufan verður þrungin spennu