Kristín Ingólfsdóttir, rektor Háskóla Íslands, segir aðspurð í samtali við mbl.is að það hafi í sjálfu sér engin áhrif á mögulegt forsetaframboð hennar að Herdís Þorgeirsdóttir hafi lýst yfir framboði á blaðamannafundi í gær. Hún hafi sagst fyrir helgi ætla að gefa sér nokkra daga til þess að ákveða hvort hún gefi kost á sér og það sé óbreytt.

„Það hefur í raun í allan vetur verið haft samband við mig og ég verið hvött til þess að bjóða mig fram en ég hef haft mjög ákveðna skoðun á því að ég vilji ljúka þeim verkefnum sem ég hef tekið að mér fyrir Háskóla Íslands,“ segir Kristín. Margt sé enn ógert og hugur hennar sé þar.

„En hins vegar eftir síðustu helgi þegar haft var samband við mig aftur, stór og breiður hópur, þá finnst mér auðvitað sjálfsagt að hugsa málið vel. Þetta ber brátt að og þetta er auðvitað stór ákvörðun og ég ætla að gefa mér einhverja daga í að taka ákvörðun,“ segir Kristín.

Tengdar fréttir

Forsetakosningar 2012

Erfitt að fella sitjandi forseta

• Með naumt forskot í Flórída
• Demókratar með meirihluta í öldungadeildinni
• Obama segist bjartsýnn á framtíðina
• Romney viðurkenndi ósigur sinn

» Fleiri tengdar fréttir

• 1 blogg um fréttina

Bloggað um fréttina

• Hjördís Vilhjálmsdóttir: Launalaust frí