Ólafur Ragnar heldur forystunni
Setja bókamerki
Ólafur Ragnar Grímsson nýtur mests fylgis samkvæmt nýrri skoðanakönnun Capacent Gallup eða 44,8% en næst kemur Þóra Arnórsdóttir með 37%. Fylgi Ólafs minnkar um eitt prósentustig miðað við síðustu könnun fyrirtækisins en Þóra tapar tveimur prósentustigum. Frá þessu var greint í fréttum Ríkisútvarpsins.
Næstur kemur Ari Trausti Guðmundsson með 10,5% fylgi og þá Herdís Þorgeirsdóttir með 5,3%. Þau bæta bæði lítillega við sig. Andrea J. Ólafsdóttir mælist með 1,6% og tapar fylgi og Hannes Bjarnason er með 0,8%.
Þá kom fram í frétt RÚV að 60% þeirra sem styðja ríkisstjórnina styðja Þóru á meðan 62% þeirra sem styðja ekki stjórnina ætla að kjósa Ólaf Ragnar.
Skoðanakönnunin var gerð dagana 14. til 20. júní og lentu 1.350 manns í úrtakinu. Svarhlutfallið í könnuninni var 58,5 prósent.
„Erum í miðri hrinu“: Styttist í Eldvörp
Mjög alvarlegt ef Njarðvíkuræð gefur sig
/frimg/1/53/7/1530787.jpg)
Flogið á milli ljósaskipta
Yfir 300 stæði fóru undir hraun
Litlar líkur á að hraunið nái til mannvirkja
/frimg/1/53/8/1530844.jpg)
Myndir: Náttúrulegur þröskuldur að taka við
Mæðgur dæmdar til að greiða 64 milljónir
Hótar Bretum og Bandaríkjamönnum