44% vilja Bjarna Harðarson á þing
Setja bókamerki
Næstum 44% íbúa Suðurkjördæmis vilja sjá Bjarna Harðarson sem þingmann kjördæmisins á næsta kjörtímabili, en Ragnheiður Hergeirsdóttir kemur þar skammt á eftir með vilja 42,5% íbúa. Nokkru neðar koma svo fimm einstaklingar með stuðning á bilinu 31-38% en það eru Aldís Hafsteinsdóttir (37,9%), Ásmundur Friðriksson (35,3%), Eyþór Arnalds (34,6%), Ólafur Björnsson (33,0%) og Kjartan Ólafsson (31,0%).
Þetta kemur meðal annars fram í könnun sem Sunnlenska fréttablaðið lét vinna um mögulega nýja þingmenn í kjördæminu en blaðið valdi nöfn tíu einstaklinga sem taldir voru líklegir til að vera valdir af kjósendum.
Athygli vekur að í könnuninni kemur fram afar sterk staða Sjálfstæðisflokks sem hefur jafn mikið fylgi og Framsókn, Samfylking og VG samanlagt. Hjá Sjálfstæðisflokki skorar Eyþór Arnalds langhæst (53,7%) en flokkssystir hans Aldís Hafsteinsdóttir á aftur á móti breiðari stuðning meðal kjósenda annarra flokka. Bjarni Harðarson skorar langhæst meðal kjósenda VG (58,8) og á einnig umtalsvert fylgi meðal kjósenda annarra flokka. Hjá Samfylkingu er Ragnheiður Hergeirsdóttir fyrrverandi bæjarstjóri í Árborg með langhæsta stigatölu (57,1%).
Stormur á Þorláksmessu en víðast hvar stefnir í hvít jól
„Tímabil aukinnar eldvirkni“
„Mér finnst gamla Samfylkingin komin aftur“
Fyrsti blaðamannafundurinn í heild sinni
„Þetta er ríkisstjórn almannahagsmuna“
Víkingar komnir yfir 800 milljónir í greiðslur
Lát hjóna í Neskaupstað: Ákæra gefin út
