Árni Þór fer ekki í varaformanninn
Setja bókamerki
„Ég hlakka til landsfundarins næstkomandi helgi, hvet félaga og stuðningsfólk um allt land til að snúa bökum saman og heiti þeirri forystusveit sem kjörin verður öllu því liðsinni sem mér er fært að veita,“ segir Árni Þór Sigurðsson, þingmaður Vinstrihreyfingarinnar - græns framboðs, á heimasíðu sinni á Smugan.is en hann hefur ákveðið að bjóða sig ekki fram sem varaformann flokksins.
Árni segist hafa talið sér skylt að hugleiða framboð til varaformanns í ljósi þess að nafn hans var nefnt sem mögulegur arftaki Katrínar Jakobsdóttur, mennta- og menningarmálaráðherra, sem boðið hefur sig fram til formennsku í VG. „Að vandlega athuguðu máli hef ég komist að þeirri niðurstöðu að gefa ekki kost á mér til varaformennsku. Ég er þakklátur þeim sem hafa hvatt mig í þessu máli og vænti þess að vera áfram í forystusveit hreyfingarinnar, hvar sem kraftar mínir munu nýtast best.“
Lýsa yfir stuðningi við kennara
Hjúkrunarfræðingar skrifa undir kjarasamning
Neyðarástand kalli á tafarlaus viðbrögð
Vatni hleypt aftur á Flateyri
/frimg/1/52/89/1528998.jpg)
Eftirminnilegur og áhugasamur
Spá illviðri víða um land á morgun
Var rétt komin ofan í sprunguna