„Pólitískur vilji þarf að vera til staðar svo hægt sé að ljúka viðræðunum með árangursríkum hætti og leyfa Íslendingum að tjá afstöðu sína til inngöngu í þjóðaratkvæðagreiðslu,“ segir Cristian Dan Preda, sem heldur utan um umsókn Íslands um inngöngu í Evrópusambandið fyrir hönd utanríkisnefndar Evrópuþingsins, á heimasíðu evrópska þingflokksins European People's Party (EPP).

Er þar vísað til þeirrar ákvörðunar íslenskra stjórnvalda fyrr á þessu ári að hægja á viðræðunum um inngöngu í Evrópusambandið. Haft er eftir Preda að hann sé sáttur við það hvernig Icesave-deilan hafi farið og leggi ennfremur áherslu á að makríldeilan verði leyst sem allra fyrst. Þá segir að viðræðurnar um inngöngu Íslands í Evrópusambandið hafi gengið vel til þessa og 27 af 35 viðræðukaflar verið opnaðir. Þar af hafi 11 verið lokað til bráðabirgða.

„Hins vegar hefur verið sýnt fram á það að þeir sem óttuðust það fyrir þremur árum að Ísland myndi færast fram fyrir í röðinni og ganga í Evrópusambandið á undan Króatíu höfðu rangt fyrir sér,“ segir Preda. Innganga í sambandið byggi á því hversu fljótt ríki uppfylla skilyrði hennar og engar styttri leiðir séu í boði í þeim efnum.

Frétt á heimasíðu EPP

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Ísland með augum ESB