Fylgi Sjálfstæðisflokks dalar áfram
Setja bókamerki
Sjálfstæðisflokkurinn missir áfram fylgi og mældist það nú 27,2% samkvæmt nýrri skoðanakönnun MMR á fylgi stjórnmálaflokka. Framsóknarflokkurinn heldur áfram að auka fylgi sitt og er kominn upp í 25,9% fylgi.
Sjálfstæðisflokkurinn var með 28,5% stuðning í síðustu mælingu MMR. Um síðustu áramót var fylgi flokksins um 38%. Framsóknarflokkurinn heldur áfram að bæta við sig fylgi og stendur það nú í 25,9%, borið saman við 23,8% í síðustu mælingu. Stuðningur við önnur framboð ýmist stóð í stað eða breyttist lítillega.
Samfylkingin er með 12,4% fylgi samkvæmt könnuninni, VG með 9,6%, Björt framtíð með 15,2%, Dögun 1,9%, Hægri-grænir 2,1%, Píratar 3,6% og önnur framboð fá samtals 2%.
Stuðningur við ríkisstjórnina mælist nú 26,5%.
Könnunin var framkvæmd dagana 7. til 12. mars 2013 og var heildarfjöldi svarenda 875 einstaklingar á aldrinum 18-67 ára.
„Það gilda mjög ákveðnar reglur“
Myndskeið: Skriða féll nærri ferðamönnum
Setur viðmið um andlátsfréttir
Segir afstöðu ráðherra lýsa skilningsleysi
Enski boltinn styrkir stöðuna
Þúsundir vinnslustarfa í húfi
Hæstiréttur þyngir dóm í kynferðisbrotamáli
Ákærður og farið fram á áframhaldandi gæsluvarðhald