Þingfundur stendur enn yfir á Alþingi þar sem rætt er frumvarp Árna Páls Árnasonar og fleiri til stjórnskipunarlaga þess efnis að tímabundið verði hægt að breyta stjórnarskrá á annan hátt en nú er kveðið á um.

Níu þingmenn eru á mælendaskrá um þetta tiltekna mál. Alls eru 50 mál á dagskrá þingfundarins og af þeim eru 36 þingmál alveg órædd. Þar á meðal er frumvarp Árna Páls Árnasonar og fleiri um sérstaka stjórnarskrárnefnd sem eigi að hafa það hlutverk að fara yfir stjórnarskrármálið þangað til þing kemur saman að nýju í haust. Þá er einnig á dagskrá frumvarp um opinbera háskóla, náttúruvernd, stjórn fiskveiða, fjölmiðla, verðbréfaviðskipti, kísilver í landi Bakka, tekjuskatt og hlutafélög svo eitthvað sé nefnt.

Reynt hefur verið í dag að ná samkomulagi um þinglok en ekki tekist. Forsætisráðherra lagði fram í dag tillögu til þingsályktunar um þingfrestun frá og með morgundeginum eða síðar. Þrátt fyrir það er alls óvíst hvenær þingi lýkur.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Rakel Sigurgeirsdóttir: Aðvörunarorð Tunnanna