Opinn fyrir vinstra samstarfi

„Ég hef nú sagt á ein­hverj­um fund­um að við eig­um að vera opn­ir fyr­ir vinstra sam­starfi en um leið eig­um við ekki að úti­loka eitt eða neitt.“

Þetta seg­ir Hösk­uld­ur Þór­halls­son, þingmaður Fram­sókn­ar­flokks­ins, aðspurður út í um­mæli sem hann lét falla á kosn­inga­fundi á Greni­vík á dög­un­um þess efn­is að Fram­sókn­ar­flokk­ur­inn ætti að vera op­inn fyr­ir sam­starfi á vinstri vængn­um. „Ég held að það sé ein­stakt tæki­færi til þess að mynda miðju- og vel­ferðar­stjórn,“ seg­ir hann í Morg­un­blaðinu í dag.

Hösk­uld­ur bend­ir á að það sem skipti öllu máli sé að Fram­sókn­ar­flokk­ur­inn starfi með fólki sem er reiðubúið til að stíga þau skref sem flokk­ur­inn hef­ur lagt áherslu á í kosn­inga­bar­áttu sinni. „En hvort sem það er til vinstri, á miðjunni eða til hægri, það verður bara að koma í ljós eft­ir kosn­ing­ar,“ bæt­ir Hösk­uld­ur við.