Herferð kaupmanna víða um land
Setja bókamerki
Kaupmenn hafa hengt upp fjölda borða og veggspjalda þar sem kynntar eru hugmyndir sem taldar eru geta leitt til lægra vöruverðs ef farið verður í þær að loknum kosningum. Alls taka hátt í 400 verslanir, um land allt, þátt í herferðinni - sem stendur fram að kosningum.
Herferð SVÞ - samtaka verslunar og þjónustu, sem nefnist Aukum kaupmáttinn - kjósum lægra vöruverð” hófst í Melabúðinni fyrir nokkrum vikum.
„Samkeppniseftirlitið og fleiri óháðir aðilar hafa hvatt til þess að verndartollar á mat verði lækkaðir eða afnumdir. Rannsókn eftirlitsins sýnir að breytingar á skattaumhverfi matvæla frá árinu 2007 skiluðu sér að fullu í auknum kaupmætti almennings.
Breytingin mundi að öllum líkindum skila ríkissjóði auknum tekjum af sérvöruverslun, sem greiðir að jafnaði 25,5% virðisaukaskatt en 7% virðisaukaskattur er greiddur af matvælum,“ segir í fréttatilkynningu frá SVÞ.
Margrét Kristmannsdóttir, formaður SVÞ segir í fréttatilkynningu að félagsmenn SVÞ vilji allir vera með í herferðinni. „Mikil samstaða er í okkar hópi um að tímabært sé að fara í umbætur á því umhverfi skatta, tolla og gjalda sem hækkar, að okkar mati, að óþörfu útgjöld íslenskra heimila. Verslunarmenn hafa því hengt upp plaköt, skilti og borða við innganga og afgreiðslukassa í öllum verslanamiðstöðvum, stórmörkuðum og fjölmörgum verslunum í öllum landshlutum, með skýrum skilaboðum til kjósenda.
Dómur þyngdur um þrjú ár
50 milljónir eiga að minnka svindl um 1 milljarð
„Höfum sloppið bærilega með skaða af þessu gosi“
Vegirnir voru eins og borðstofuborð
Dregið úr gosóróa
Ekki vandamál að vera karlmaður
Hópur fólks reyndi að komast að eldgosinu