Vinstri menn hafa ekki hlustað nægjanlega vel á fólkið í landinu sem tók á sig miklar fórnir vegna hrunsins. Þetta segir Inga Sigrún Atladóttir, sem er í 2. sæti framboðslista Vinstri grænna í Suðurkjördæmi. Hún segir vinstri hugsun hafa borið af leið á kjörtímabilinu og mikilvægt sé að viðurkenna það.

Inga Sigrún skrifar afsökunarbeiðni, sem hún kallar svo, á blogg sitt í dag og telur upp ýmislegt sem hún segir VG ekki hafa tekist á kjörtímabilinu, þ.á.m. að tryggja efnahagslegan jöfnuð, koma í veg fyrir spillingu og leyndarhyggju og byggja upp fjármálakerfi á grunni sameignar, í anda vinstri manna.

„Okkur í Vinstri grænum tókst ekki allt sem við ætluðum að gera, við gáfum vonir sem við gátum ekki uppfyllt,“ segir Inga Sigrún. „En vegna þeirra sem treystu á okkur megum við ekki missa sjálfstraustið, við getum ekki látið stuðningsmenn okkar standa eina úti í storminum.

Við eigum að hafa styrk til að biðjast auðmjúk afsökunar en halda síðan áfram full sjálfstrausts og vonar í átt til betri framtíðar,“ segir Inga Sigrún á bloggi sínu.

Fylgi VG mælist á bilinu 8,0 til 9,3 prósent í síðustu skoðanakönnunum.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Vésteinn Valgarðsson: Alþýðufylkingin er stolt og bjartsýn