19.725 atkvæði hafa nú verið greidd utan kjörstaðar. Þar eru talin þau atkvæði sem greidd hafa verið á kjörstöðum, hjá sýslumannsembættum og í sendiráðum, sum þeirra hafa verið send á kjörstað og talin þar og því gæti einhver hluti þeirra verið tvítalinn. Alls hafa 17.385 kosið á kjörstað og 2.340 atkvæði verið send.

Alls eru 237.957 á kjörskrá og eru þessi atkvæði rúm 8% þeirra. Samkvæmt upplýsingum frá kjörstjórn utankjörstaðaatkvæðagreiðslu hafa talsvert fleiri greitt atkvæði nú, fjórum dögum fyrir kjördag, en í síðustu alþingiskosningum árið 2009 þegar jafn langt var til kjördags. Þá höfðu 5.134 kosið utan kjörfundar að kvöldi þriðjudags.

Hjá sýslumanninum í Reykjavík kusu 2.122 í dag og 263 atkvæði voru send þangað.

Nokkuð hefur borið á því að kjósendur séu ekki með gild persónuskilríki meðferðis, en kennitala þarf að koma fram á skilríkjum og þar þarf líka að vera mynd af viðkomandi. Yfirleitt er kennitala á debetkortum, en á nýrri tegundum kreditkorta er hana ekki að finna.

Vegna þessa hefur þurft að senda allnokkra kjósendur heim til að sækja önnur skilríki, samkvæmt upplýsingum frá kjörstjórn utankjörstaðaatkvæðagreiðslu.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Guðrún María Óskarsdóttir.: Utankjörfundarkosning er í Laugardalshöllinni, fram að kjördegi.