Sigmundur: Þjóðaratkvæðagreiðsla fer eftir tímasetningu

Sigmundur Davíð Gunnlaugsson, formaður Framsóknarflokksins, var á fundi VÍB í dag, ítrekað spurður að því hvort flokkurinn myndi láta verða af þjóðaratkvæðagreiðslu um áframhaldandi aðildarviðræður við Evrópusambandið, kæmist hann til valda. Sagði Sigmundur að hann væri „mjög opinn varðandi dagsetningar“ og að flokkurinn hefði alltaf gert ráð fyrir að atkvæðagreiðsla færi fram. Hann tók þó fram að slíkt væri ekki efst í forgangsröðinni.

Þegar fundastjóri ítrekaði spurningu um hvort atkvæðagreiðsla myndi fara fram sagði Sigmundur: „það hlýtur að vera“, en að slíkt færi þó eftir tímasetningu.

Bjarni Benediktsson, formaður Sjálfstæðisflokksins sagði að hann hefði margoft tekið fram að halda ætti þjóðaratkvæðagreiðslu um málið á fyrri hluta kjörtímabilsins og hann stæði enn við þá skoðun.

• 5 blogg um fréttina

Bloggað um fréttina

• Svanur Gísli Þorkelsson: Allur er varinn góður, sagði nunnan
• Magnús Helgi Björgvinsson: Meira bullið í þessum flokkum
• Óðinn Þórisson: Á Samfylkingin erindi í íslensk stjórnmál ?
• Páll Vilhjálmsson: 30% var ekki nóg fyrir ESB-umsókn
• Sæmundur Bjarnason: 1948 - Er Sigmundur lærður?