Veruleg nýliðun verður á Alþingi í kjölfar þingkosninganna í gær en samtals taka 27 nýir þingmenn sæti á þingi. Flestir nýju þingmennirnir taka sæti fyrir Framsóknarflokkinn sem bætti mestu fylgi við sig í kosningum eða tólf. Atta nýir þingmenn taka hins vegar sæti fyrir Sjálfstæðisflokkinn, fjórir fyrir Bjarta framtíð, tveir fyrir Pírata og einn fyrir Vinstrihreyfinguna - grænt framboð.

Nýir þingmenn Framsóknarflokksins eru Frosti Sigurjónsson og Sigrún Magnúsdóttir í Reykjavíkurkjördæmi norður, Karl Garðarsson í Reykjavíkurkjördæmi suður, Willum Þór Þórsson og Þorsteinn Sæmundsson í Suðvesturkjördæmi, Elsa Lára Arnardóttir og Jóhanna María Sigmundsdóttir í Norðvesturkjördæmi, Líneik Anna Sævarsdóttir og Þórunn Egilsdóttir í Norðausturkjördæmi og Silja Dögg Gunnarsdóttir, Páll Jóhann Pálsson og Haraldur Einarsson í Suðurkjördæmi.

Nýir þingmenn Sjálfstæðisflokksins eru Hanna Birna Kristjánsdóttir í Reykjavíkurkjördæmi suður, Brynjar Níelsson í Reykjavíkurkjördæmi norður, Vilhjálmur Bjarnason og Elín Hirst í Suðvesturkjördæmi, Ásmundur Friðriksson og Vilhjálmur Árnason í Suðurkjördæmi, Haraldur Benediktsson í Norðvesturkjördæmi og Valgerður Gunnarsdóttir í Norðausturkjördæmi.

Nýir þingmenn Bjartrar framtíðar eru Björt Ólafsdóttir í Reykjavíkurkjördæmi norður,Óttarr Proppé í Reykjavíkurkjördæmi suður, Brynhildur Pétursdóttir í Norðausturkjördæmi og Páll Valur Björnsson í Suðurkjördæmi. Nýjir þingmenn Pírata eru Jón Þór Ólafsson og Helgi Hrafn Gunnarsson og nýr þingmaður VG er Bjarkey Gunnarsdóttir í Norðausturkjördæmi en hún hefur áður tekið sæti á þingi sem varaþingmaður.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Júlíus Már Baldursson: Það er vonandi.....